Ftesës së Sali Berishës për t’u bërë pjesë e asaj që e cilësoi si “Formacioni për Shpëtimin e Shqipërisë” iu përgjigj Lëvizja Socialiste për Integrim. Sekretari i përgjithshëm i kësaj force politike Endrit Braimllari shpjegoi për A2 CNN arsyet që shtyjnë LSI të marrë pjesë të protestën e 7 korrikut.
“Edi Rama ka krijuar një bord si në kohën e partisë së punës që ky bord kontrollon çmimet që rriten çdo fundjavë. Ka shume arsye, ajo kryesore është ekonomike, mungesa e vendeve të punës dhe largimi i të rinjve”.
I pyetur konkretisht për mobilizimin e strukturave të LSI, Braimllari flet për protestë të qytetarëve që shkon përtej partive politike.
“Kemi thënë që do marrim pjesë në protestë dhe kjo është njoftuar publikisht por e thashë që pjesëmarrja është qytetare dhe thirrja është për të marrin pjesë. Dhe nga PD është bërë e qartë që në bazë të kësaj proteste janë qytetarët”.
Duke i mëshuar këtij fakti, Braimllari nuk është i mendimit se kjo është një proteste që do testoje forcën e frontit opozitar PD-LSI, i cili pritet të organizohet me fuqi të plotë në sezonin e ardhshëm politik. (A2 Televizion)
A2 CNN Livestream
MUND TE LEXONI GJITHASHTU
