Të shtëna me armë zjarri në Shkup, vritet këngëtari dhe blogeri i njohur shqiptar

Një ngjarje e rëndë është regjistruar mbrëmjen e djeshme në Shkup, ku si pasojë e disa të shtënave me armë ka mbetur i vrarë një person dhe janë plagosur tre të tjerë.

Në këtë përleshje me armë ka mbetur i vdekur këngëtari dhe blogeri i njohur shqiptar, Amar Ismani. Janë edhe familjarët e Amarit që kanë konfirmuar vdekjen e tij përmes rrjeteve sociale.

“Të Allahut jemi dhe tek ai do të kthehemi. Me zemër të thyer e të pikëlluar ju njoftoj se ka ndërruar jetë djali/vëllau ynë Amar Ismani. Ceremonia e varrimit do të bëhet sot me namazin e Iqindis në xhamin e Cairit dhe pastaj te varrezat në Butel”, kanë shkruar familjarët në Facebook.

Raportohet gjithashtu se të plagosur kanë mbetur edhe tre persona të tjerë, ndërsa në vendin e ngjarjes është parë ambulanca dhe një numër i madh i policisë. (A2 Televizion)