Dy persona janë vrarë në Izraelin verior, në atë që policia e quan një "sulm terrorist në vazhdim".
Sipas mediave të huaja, Policia tha se sulmuesi përplasi me makinë një këmbësor në qytetin lindor të Beit Shean, pastaj vazhdoi rrugën përpara se të godiste me thikë një grua pranë Ein Harod, rreth 12.5 km në perëndim.
Një burrë 68-vjeçar u vra dhe një djalë 16-vjeçar u plagos gjatë përplasjes, thanë zyrtarët, ndërsa viktima e plagosur me thikë ishte një vajzë 18-vjeçare.
Sipas Policisë, i dyshuari u qëllua dhe u plagos më vonë nga një civil jashtë qytetit të Afulas, shkruan A2 CNN.
Kujtojmë se një ditë para sulmit, një rezervist izraelit u pushua nga puna pasi u publikua një video ku ai përplaste me një motor me katër rrota një palestinez duke u lutur. (A2 Televizion)
A2 CNN Livestream
MUND TE LEXONI GJITHASHTU
