Pesë të rinj dhe një çift i moshuar humbën jetën në një aksident rrugor të ndodhur, pasditen e së martës, pranë Chartes, në rajonin Eure-et-Loir të Francës.
Në aksidentin rrugor me 7 viktima që ndodhi pak para orës 19:00, u përfshinë tre makina. Prefekti Frédéric Blanc sqaroi të martën në mbrëmje rrethanat e aksidentit duke thënë se “një automjet që po udhëtonte në drejtim të Illiers-Combray - Chartres, në të cilin ndodheshin pesë të rinj, goditi një automjet tjetër që po udhëtonte në drejtim të kundërt, në të cilin ndodhej çifti i të moshuarve”.
Më pas automjeti i parë është përplasur me një mjet të tretë, i cili po ashtu vinte nga ana e kundërt. Pesë të rinjtë e moshës 17 deri në 19 vjeç humbën jetën pasi zjarri shkrumboi automjetin e tyre. Trupat e tyre u nxorën nga makina, pasi u shuan flakët.
Un accident de la circulation, ce mardi, a fait 7 morts à la sortie de Bailleau-le-Pin en direction d’Illiers-Combray : 5 jeunes âgés de 17 à 19 ans et deux personnes âgées de 80 et 85 ans. pic.twitter.com/fCTXcMA2R2
— L'Écho Chartres (@lecho_chartres) June 18, 2024
Nga përplasja humbën jetën edhe çifti i moshës 80 dhe 85 vjeç, nga qyteti fqinj Illiers-Combray. Në automjetin e tretë janë plagosur një 23-vjeçare dhe një 21-vjeçar, ndërsa njëri prej tyre ndodhet në gjendje të rëndë.
Kryebashkiaku i Bailleau-le-Pin, Martial Lochon, shprehu keqardhjen për aksidentin tragjik duke thënë se shpejtësia mund të ishte pjesë e rrethanave rënduese të aksidentit të ndodhur në një rrugë të ngarkuar.
RMC raporton se një dëshmitar që pa aksidentin i tha prokurorit publik se drejtuesi i mjetit në të cilin udhëtonin pesë të rinjtë po lëvizte me shpejtësi të madhe.
Një hetim është hapur për vrasje dhe plagosje padashje për të përcaktuar shkaqet e aksidentit, ndërsa autopsia e viktimave pritet të bëhet në ditët në vijim. (A2 Televizion)
A2 CNN Livestream
MUND TE LEXONI GJITHASHTU
