Ish-kongresistja amerikane Marjorie Taylor Greene ka kritikuar ashpër financimin nga presidenti i SHBA-së Donald Trump të “mizorive” izraelite.
“Të krishterët amerikanë të flasin!!!” shkroi ajo, duke ripostuar kritika ndaj Izraelit për shkatërrimin e objekteve të krishtera në fshatin Yaroun në Liban. “Amerika nuk mund të heshtë dhe duhet të ndalojë financimin e Izraelit për të kryer mizori të tilla!!!”
Greene, ende një zë me ndikim mes konservatorëve pavarësisht se u largua nga Kongresi në janar, dikur ishte një nga mbështetëset më të forta të Trump-it, por marrëdhënia e tyre u përkeqësua për shkak të mënyrës së trajtimit të skandalit Jeffrey Epstein dhe mbështetjes së tij për veprimet ushtarake izraelite në Lindjen e Mesme, përcjell A2CNN.
Kritikat e saj ndaj Trump-it pasqyrojnë një shqetësim më të gjerë për politikën e tij të jashtme agresive brenda lëvizjes MAGA. Kohët e fundit, të krishterët amerikanë kanë shprehur zemërim për një foto ku shihet një ushtar izraelit duke thyer një statujë të Jezu Krishtit në jug të Libanit. (A2 Televizion)
A2 CNN Livestream
MUND TE LEXONI GJITHASHTU
