Protestat janë ndezur për natën e katërt në Turqi pas arrestimit të kryebashkiakut të Stambollit, në demonstratat më të mëdha që vendi ka parë në më shumë se një dekadë.
Ekrem Imamoglu, një rival i presidentit turk Rexhep Tajip Erdogan, u arrestua të mërkurën, disa ditë përpara se të zgjidhej si kandidat presidencial për zgjedhjet e vitit 2028.
Imamoglu u paraqit në një gjykatë të Stambollit të shtunën dhe prokurorët kërkuan arrestimin e tij zyrtar me akuza për terrorizëm dhe korrupsion. Ai i mohoi akuzat.
Në një reagim për situatën e krijuar, presidenti Erdogan dënoi trazirat dhe akuzoi Partinë Popullore Republikane (CHP) të opozitës për përpjekje për të "turbulluar paqen dhe polarizuar popullin turk".
Incidente u shënuan gjatë manifestimit që nisi në bashkinë e Stambollit, ku policia hodhi gaz lotsjellës pa fund për të shpërndarë turmën, ndërkohë që sheshet u mbushën me njerëz dhe në Ankara e Izmir.
Deri në këto momente më shumë se 400 persona janë arrestuar në protesta. (A2 Televizion)
A2 CNN Livestream
MUND TE LEXONI GJITHASHTU
