Kreu i partisë kryesore opozitare të Turqisë, Ozgur Ozel bëri me dije se protestat në Stamboll dhe qytetet e tjera të vendit do të vazhdojnë derisa të shpallen zgjedhjet e parakohshme presidenciale dhe kryetari i burgosur i Stambollit, Ekrem Imamoglu, të lirohet nga burgu.
Ozgur Ozel, kryetar i Partisë Popullore Republikane tha se protestat mbarëkombëtare do të kulmojnë me një demonstratë shumë të madhe këtë të shtunë në Stamboll. “Kjo do të hapë fushatën e partisë për ta bërë Imamoglun presidentin e ardhshëm të vendit në zgjedhjet që priten në vitin 2028”, tha ai.
“Në çdo qytet ku shkojmë do të kemi mitingjet më të mëdha në historinë e tyre”, deklaroi Ozel.
Opozita ka sjellë turma të mëdha në rrugë që kur Imamoglu u arrestua shtatë ditë më parë.
Presidenti i Turqisë, Rexhep Tajip Erdogan i ka dënuar demonstratat si "terrorizëm në rrugë" dhe ka akuzuar protestuesit për sulme ndaj policisë dhe dëmtim të pronës publike. (A2 Televizion)
A2 CNN Livestream
MUND TE LEXONI GJITHASHTU
