Ndërsa fokusi është përqendruar në pasojat e shkeljes së sigurisë nga Uashingtoni, pyetje janë ngritur edhe për aleatët e Amerikës jashtë vendit.
Sipas mediave të huaja, gjatë seancës së djeshme të komitetit të inteligjencës, disa prej të pranishmëve vunë në dyshim nëse aleatët evropianë do të hezitonin të ndanin inteligjencën me SHBA-në pas raportit nga The Atlantic.
Por Sekretari i Përgjithshëm i NATO-s, Mark Rutte ka thënë se SHBA-ja është ende e besueshme.
"Absolutisht, a mund t'u besojmë amerikanëve, po. Ata janë partneri ynë më i madh, aleatët më të mëdhenj në NATO", tha Rutte, shkruan A2 CNN.
Ai i bëri komentet duke folur para gazetarëve pas një fjalimi në Shkollën Ekonomike të Varshavës.
Ai shtoi: “Më lejoni të jem absolutisht i qartë, nuk është koha për të shkuar vetëm”.
“Jo për Evropën apo Amerikën e Veriut”, tha ai më tej.
“Sfidat globale të sigurisë janë shumë të mëdha që secili prej nesh të përballet vetë”, tha Rutte, shkruan A2 CNN.
“Kur bëhet fjalë për mbajtjen e sigurt të Evropës dhe Amerikës së Veriut, nuk ka alternativë ndaj NATO-s”, përfundoi ai. (A2 Televizion)
A2 CNN Livestream
MUND TE LEXONI GJITHASHTU
