Mbi 3,500 trupa ushtarake nga Azerbajxhani, Turqia dhe Uzbekistani morën pjesë në stërvitjen e përbashkët “Power of Unity-2026”, e zhvilluar për herë të parë në rajonin e Karabakut.
Gjatë stërvitjes u testuan skenarë të ndryshëm të lidhur me konfliktet moderne, përfshirë sulmet e koordinuara me dronë, kërcënimet kibernetike, dezinformimin, incidentet kufitare dhe operacionet detare.
Në ushtrime u angazhuan më shumë se 130 mjete pa pilot, rreth 70 automjete të blinduara, mbi 90 sisteme artilerie dhe më shumë se 20 mjete ajrore.
Një pjesë e rëndësishme e stërvitjes iu kushtua përballimit të sulmeve me dronë, çminimit të zonave të rrezikuara dhe reagimit ndaj objektivave të simuluara terroriste.
Ushtrimet përfshinë gjithashtu skenarë të luftës së teknologjisë së lartë, me fokus mbrojtjen nga sulmet kibernetike dhe përballimin e fushatave të dezinformimit.
(A2 Televizion)
A2 CNN Livestream
MUND TE LEXONI GJITHASHTU
