Zyrat që i përkasin platformës së mediave sociale të Elon Musk, X, në Francë po bastisen nga prokurori i Parisit. “Njësia e saj e krimit kibernetik po kryen kërkimet”, tha organi i akuzës në një deklaratë për X, ndërkohë që në hetime është përfshirë edhe Europoli, raporton A2CNN.
Hetimi i nisur në janar 2025 lidhet me ankesat për algoritmin e X dhe përmbajtjen që ai rekomandonte.
Zyra e prokurorit tha se si Musk ashtu edhe ish-drejtoresha ekzekutive e X, Linda Yaccarino, ishin thirrur për t'u paraqitur në seancat dëgjimore në prill si pjesë e hetimit.
“X” ende nuk ka dalë me një deklaratë, por më parë i ka konsideruar hetimet si sulm ndaj lirisë së fjalës.
Në deklaratën e saj, zyra e prokurorit tha se operacioni ishte pjesë e përpjekjeve për të siguruar që X të përmbushte ligjet franceze.
Thuhet se hetimi, i udhëhequr nga policia franceze e krimit kibernetik, u zgjerua në korrik 2025 pas raportimeve për deepfakes me përmbajtje seksuale dhe përmbajtje që mohonin Holokaustin, të cilat qarkullonin në platformë. (A2 Televizion)
A2 CNN Livestream
MUND TE LEXONI GJITHASHTU
