Gjatë qëndrimit në Lindjen e Mesme, Sekretari Amerikan i Shtetit, Antony Blinken, i kërkoi Izraelit që kundërpërgjigjja ndaj Iranit për sulmet raketore të 1 tetorit të jetë e matur dhe të mos çojë në një përshkallëzim edhe më të rrezikshëm të situatës, shkruan A2 CNN.
“Ne jemi të vendosur në mbrojtjen tonë ndaj Izraelit kur vjen puna te sulme të mundshme nga Irani apo grupe të mbështetura prej tij në rajon. Ne qëndrojmë krah Izraelit dhe do ta bëjmë gjithmonë. Por është gjithashtu shumë e rëndësishme që Izraeli të përgjigjet në mënyra që nuk krijojnë përshkallëzim edhe më të madh dhe nuk rrezikojnë të zgjerojnë konfliktin me Hezbollah në Liban”, tha Blinken.
“Ne po punojmë intensivisht për të arritur marrëveshje për zbatimin efektiv të Rezolutës 1701 të Këshillit të Sigurimit të OKB-së, e cila shumë vite më parë duhet të kishte shmangur atë që po shohim tani, por nuk e bëri sepse nuk është zbatuar kurrë”. (A2 Televizion)
A2 CNN Livestream
MUND TE LEXONI GJITHASHTU
