Shtetet e Bashkuara duket se po rrisin ndjeshëm praninë e tyre ushtarake në Lindjen e Mesme me vendosjen e avionëve shumë të sofistikuar dhe një aeroplanmbajtëse të dytë në rajon.
Ditët e fundit, të paktën pesë bombardues “Stealth B-2” janë vendosur në Diego Garcia, një bazë ushtarake britanike e përdorur nga SHBA në Oqeanin Indian. Më shumë raportohet se janë rrugës për t’u dislokuar atje.
Shtatë avionë C17 janë gjurmuar gjithashtu duke u ulur në atolin e largët, duke sugjeruar se transporti i pajisjeve, personelit dhe furnizimeve dhe avionët e karburantit janë ripozicionuar në vende strategjike.
Pentagoni kohët e fundit urdhëroi grupin sulmues të avionëve “USS Harry S Truman” të zgjasë qëndrimin në Detin e Kuq me një muaj dhe një grup i dytë sulmues, i udhëhequr nga aeroplanmbajtësja “USS Carl Vinson”, po shkon drejt Lindjes së Mesme.
Të dy grupet kanë anije mbështetëse, përfshirë shkatërruesit, si pjesë e grupit.
Është një rritje e pazakontë kjo në asetet ushtarake dhe një tregues, ndoshta, se SHBA po planifikon sulme të rënda ndaj Houthis në Jemen dhe ndoshta po kërkon t'i dërgojë një mesazh të fortë Iranit.
Huthi, një grup islamik që kontrollon një pjesë të madhe të Jemenit, duke përfshirë kryeqytetin Sana'a, kanë sulmuar vazhdimisht anijet në Detin e Kuq dhe Izraelin gjatë luftës në Gaza.
Këto sulme u ndalën ndërsa armëpushimi ishte në fuqi, por kanë rifilluar pas rinisjes së operacioneve ushtarake izraelite në Gaza.
Houthi-t janë zotuar të godasin aeroportin “Ben Gurion” të Izraelit dhe kanë gjuajtur raketa balistike drejt Izraelit pothuajse çdo ditë në javët e fundit, duke rindezur sirenat e sulmeve ajrore në Tel Aviv dhe Jerusalem.
Ata pretenduan se kishin lëshuar drone në Izrael të martën mbrëma, por ushtria izraelite nuk e ka konfirmuar këtë.
Administrata Trump ka nisur sulme kundër Houthi-t për të rivendosur lirinë e transportit në Detin e Kuq, një rrugë ujore thelbësore për tregtinë globale pasi është e lidhur me Detin Mesdhe nëpërmjet Kanalit të Suezit.
Vala e parë e këtyre sulmeve ishte objekt i një shkeljeje të madhe të sigurisë kur një gazetar u përfshi gabimisht në diskutimet midis personelit të lartë të qeverisë amerikane në aplikacionin e mesazheve Signal.
Sekretari amerikan i mbrojtjes Pete Hegseth ka premtuar se do të vazhdojë të godasë Houthi-t për aq kohë sa të duhet dhe Presidenti Trump ka paralajmëruar Iranin se mund të detyrohet të ndërmarrë veprime ushtarake kundër objekteve të tyre bërthamore nëse Teherani nuk pranon bisedimet. (A2 Televizion)
A2 CNN Livestream
MUND TE LEXONI GJITHASHTU
