Kryeministri hungarez Viktor Orban ka urdhëruar një hetim mbi dyshimet për përgjimin e Ministrit të Jashtëm Peter Szijjarto nga të paktën një shtet anëtar i BE-së, raporon A2CNN.
Hetimi u njoftua të hënën, pasi gazetat Washington Post dhe Politico publikuan raporte që pretendonin se Szijjarto i telefonoi Ministrit të Jashtëm rus Sergey Lavrov gjatë pushimeve në takimet e BE-së për t'i dhënë Lavrovit "raporte të drejtpërdrejta mbi atë që ishte diskutuar".
Raportet cituan zyrtarë të paidentifikuar të "sigurisë evropiane" . Szijjarto i hodhi poshtë pretendimet si “gënjeshtra dhe lajme të rreme”, por media konservatore hungareze Mandiner zbuloi të hënën se të dhënat e kontaktit të Szijjartos me shumë gjasa u ishin dhënë zyrtarëve të sigurisë të BE-së nga Szabolcs Panyi, një gazetar i opozitës në Hungari.
Në një audio të publikuar nga Mandiner, Panyi dëgjohet duke i treguar një burimi se si ia dha numrin e telefonit të Szijjartos “një organi shtetëror të një vendi të BE-së”. Në një postim në Facebook të hënën, Panyi konfirmoi se ai ishte personi në regjistrim.
(A2 Televizion)
A2 CNN Livestream
MUND TE LEXONI GJITHASHTU
