Presidenti i Turqisë, Recep Tayyip Erdoğan, ka reaguar për sulmin terrorist të ndodhur këtë të mërkurë pranë TUSAS-it, Qendrës Hapësinore Turke, ku 4 persona mbetën të vdekur.
Nga Kazani i Rusisë, aty ku po mbahet Samiti i BRICS, Erdogan dënoi fuqishëm sulmin, ndërsa tha se 4 persona kanë mbetur dëshmorë, ndërsa 14 janë plagosur. “Kemi 4 dëshmorë dhe 14 të plagosur. Dënoj këtë sulm të tmerrshëm terrorist dhe uroj mëshirën e Zotit për dëshmorët tanë", tha ai.
Ministri i Brendshëm, Ali Yerlikaya, përmes një postimi në rrjetin social X (ish-Twitter), konfirmoi sulmin dhe njoftoi për 4 vdekur.
Dëshmitarë okularë i thanë agjencisë Reuters se punonjësit brenda ndërtesës u evakuuan nëpër strehime nga autoritetet dhe nuk u lejua askush të dilte. Ata raportuan gjithashtu për shpërthime në disa dalje, teksa punonjësit po largoheshin për në shtëpi.
Deri tani konfirmohet se dy nga autorët e këtij sulmi janë neutralizuar, ndërsa vijojnë kërkimet edhe për dy të tjerë. (A2 Televizion)
A2 CNN Livestream
MUND TE LEXONI GJITHASHTU
