Presidenti i Turqisë është shumë i kërkuar për momentin. Pjesa më e madhe e aktivitetit diplomatik rreth Rexhep Tajip Erdogan është përqendruar në rolin e tij kyç si ndërmjetës në luftën në Gaza.
Megjithatë, sipas mediave të huaja, Turqia mbetet gjithashtu një lojtare kyçe për sigurinë në Evropë dhe për Ukrainën, megjithëse një lojtare ambivalente, që i pëlqen të luajë me të dyja palët.
Integrimi më i ngushtë i Erdoganit në përpjekjet evropiane të sigurisë ka qenë, pra, një nga qëllimet e kancelarit gjerman Friedrich Merz, ndërsa ai viziton Turqinë sot.
Merz tha në një konferencë për shtyp se Ankaraja është një aktor i rëndësishëm në të gjitha çështjet e politikës së jashtme dhe të sigurisë.
“Potenciali i kësaj marrëdhënieje do të duhej të përdorej në mënyrë më productive”, tha Merz, shkruan A2 CNN.
"Unë personalisht, dhe qeveria gjermane, e shohim Turqinë si një partnere të ngushtë të Bashkimit Evropian. Ne duam të vazhdojmë të lehtësojmë rrugën drejt Evropës", u tha Merz gazetarëve.
Turqia, anëtare e NATO-s, e ka mbyllur Bosforin për shumicën e anijeve luftarake dhe ka pritur bisedime paqeje, por mbetet gjithashtu një nga vendet kryesore që blejnë naftë ruse dhe dyshohet se po ndihmon Moskën të anashkalojë sanksionet.
Një bashkëpunim më i ngushtë turko-evropian në çështjet e sigurisë është sigurisht në interes të përpjekjeve të Turqisë për t’u riarmatosur, megjithatë, duke hapur derën për më shumë ndërveprime “quid pro quo”.
Në këtë frymë, Berlini kohët e fundit i hapi rrugën Turqisë për të blerë avionë luftarakë Eurofighter Typhoon pas vitesh hezitimi. Marrëveshja u nënshkrua këtë javë nga Erdogan dhe Keir Starmer, i cili përfaqësoi Mbretërinë e Bashkuar si bashkëprodhues.
Erdogan sinjalizoi sot një interes për bashkëpunim më të ngushtë në këto drejtime, duke theksuar potencialin e lartë të përbashkët në industrinë e mbrojtjes.
"Në dritën e kushteve të ndryshueshme të sigurisë në Evropë, duhet t'i lëmë pas problemet në prokurimin e produkteve të industrisë së mbrojtjes dhe të përqendrohemi në projekte të përbashkëta", tha Erdogan. (A2 Televizion)
A2 CNN Livestream
MUND TE LEXONI GJITHASHTU
