Komiteti Mbikëqyrës i Dhomës së Përfaqësuesve të SHBA-së, i drejtuar nga republikanët, ka lëshuar thirrje në gjyq për ish-presidentin Bill Clinton dhe ish-sekretaren e shtetit Hillary Clinton, në kuadër të hetimeve për lidhjet e mundshme me rastin e trafikimit seksual të Jeffrey Epstein.
Komiteti ka kërkuar gjithashtu nga Departamenti i Drejtësisë dosje që lidhen me Epstein dhe me tetë ish-zyrtarë të zbatimit të ligjit. Departamenti ka afat deri më 19 gusht për t’i dorëzuar dokumentet, ndërsa Clinton-ët pritet të dëshmojnë në tetor, Hillary më 9 tetor dhe Bill më 14 tetor.
Jeffrey Epstein vdiq në burg në vitin 2019 duke pritur gjyqin për trafikim seksual. Pas vdekjes së tij, janë shtuar thirrjet për transparencë dhe publikim të plotë të dosjeve të tij. Clinton ka pranuar se ka udhëtuar me avionin e Epstein, por ka mohuar çdo përfshirje në aktivitetet e tij kriminale.
Ndërkohë, Ghislaine Maxwell, ish-e dashura dhe bashkëpunëtorja e Epstein, e dënuar për ndihmë në abuzim seksual të vajzave të mitura, është transferuar së fundmi në një burg në Teksas. Komiteti ka kërkuar edhe një intervistë me të.
Donald Trump ka mohuar çdo lidhje me krimet e Epstein dhe ka kërkuar që informacionet e jurisë së madhe për Maxwell të bëhen publike. (A2 Televizion)
A2 CNN Livestream
MUND TE LEXONI GJITHASHTU
