Një valë sabotimesh të dyshuara ka përfshirë Evropën gjatë javëve të fundit, ndërsa Rusia është bërë e dyshuara kryesore për sulmet ndaj objekteve ushtarake dhe të mbrojtjes.
Gjermania ka deklaruar se një incident me dronë në aeroportin e Leipzigut, i cili përdoret edhe për transportin e mallrave ushtarake drejt Ukrainës, është pjesë e “operacioneve hibride ruse”. Ndërkohë, janë raportuar zjarre dhe tentativa zjarrvënieje në objekte të industrisë së mbrojtjes në Itali, Estoni, Poloni, Bullgari dhe Sllovaki.
Autoritetet në disa prej këtyre vendeve po hetojnë për ndërhyrje të mundshme nga jashtë, ndërsa në raste të tjera janë arrestuar persona të dyshuar për sabotim, shkruan A2CNN.
Ekspertët thonë se rritja e rasteve mund të lidhet me luftën në Ukrainë dhe me përpjekjet e Moskës për të ushtruar presion ndaj vendeve evropiane që mbështesin Kievin. Një tjetër shqetësim është se këto operacione mund të jenë një mënyrë për të testuar dobësitë dhe reagimin e vendeve të NATO-s.
Shumica e rasteve të mëparshme dyshohet se janë kryer nga persona të rekrutuar nga Rusia përmes internetit, ndërsa autoritetet evropiane paralajmërojnë për rrezikun e përshkallëzimit.
Ekspertët paralajmërojnë se një incident më i rëndë, si rrëzimi i një avioni apo një sulm me viktima të shumta, mund ta detyrojë NATO-n të reagojë dhe të rrisë ndjeshëm tensionet me Moskën. (A2 Televizion)
A2 CNN Livestream
MUND TE LEXONI GJITHASHTU
