Hamas ka mirëpritur zhvillimin e bisedimeve mes SHBA-së dhe Iranit në Pakistan, duke i cilësuar ato si një hap të rëndësishëm drejt një zgjidhjeje më të gjerë rajonale.
Grupi palestinez deklaroi se mbështet këto negociata, të cilat sipas tij synojnë “një përfundim të plotë dhe gjithëpërfshirës” të konfliktit mes SHBA-së dhe Izraelit ndaj Iranit.
Në një deklaratë zyrtare, Hamas u shpreh optimist për suksesin e përpjekjeve diplomatike, duke vlerësuar rolin e Pakistanit si vend pritës dhe ndërmjetësues në këtë proces. Gjithashtu, ai theksoi rëndësinë e angazhimit të vendeve të tjera ndërmjetëse për arritjen e rezultateve konkrete.
“Ne presim me shpresë suksesin e përpjekjeve të ndërmarra nga Pakistani dhe vendet e tjera ndërmjetëse, për të krijuar mundësi për rezultate pozitive që do të forcojnë stabilitetin dhe do të nxisin unitetin mes vendeve arabe dhe islame”, thuhet në deklaratë.
Sipas Hamasit, një marrëveshje e mundshme do të kishte ndikim të rëndësishëm jo vetëm në uljen e tensioneve, por edhe në forcimin e bashkëpunimit dhe paqes në rajon. (A2 Televizion)
A2 CNN Livestream
MUND TE LEXONI GJITHASHTU
