Një sulm ajror izraelit ka vrarë dy militantë në Bregun Perëndimor, ka thënë Hamasi.
Sipas mediave të huaja, bëhet me dije se sulmi ndodhi në qytetin Tulkarm më herët sot dhe plagosi tre të tjerë.
Hamasi flet për fokusin e Izraelit në grupet e armatosura në Bregun Perëndimor që nga fillimi i armëpushimit në Gaza.
Hamasi tha se dy nga anëtarët e tij u vranë të hënën, shkruan A2 CNN. Dëshmitarët në qytet thanë se një bastisje ishte duke u zhvilluar, por nuk kishte asnjë koment të menjëhershëm nga ushtria izraelite (IDF).
Ministria palestineze e Shëndetësisë konfirmoi se dy persona ishin vrarë, pa i identifikuar ata.
Në Jenin, më në veri, një operacion i madh që përfshin qindra trupa izraelite, automjete të blinduara, drone dhe helikopterë duket se po vazhdonte për javën e dytë, me tymin që ngrihej mbi kampin e refugjatëve ngjitur me qytetin.
Të paktën 16 palestinezë janë vrarë në Jenin dhe zonat përreth që nga fillimi i armëpushimit, duke përfshirë katër prej të cilëve që thuhet se ishin luftëtarë.
Të shtunën vonë, forcat izraelite qëlluan gjithashtu një vajzë dyvjeçare gjatë një bastisjeje në fshatin Ash-Shuhada, në jug të Jeninit, thanë zyrtarët palestinezë.
"Ata filluan të na qëllojnë nga dritaret pa asnjë paralajmërim," tha Ghada Asous, gjyshja e dy vjeçares Laila Muhammad al Khatib, e cila mbeti viktimë.
“Papritur, forcat speciale na sulmuan dhe po gjuanin nga dritaret”, shtoi ajo më tej, shkruan A2 CNN.
IDF tha se trupat në një operacion kundër terrorizmit kishin qëlluar në një strukturë ku militantët e dyshuar ishin fshehur.
"IDF është në dijeni të pretendimit se civilë të pa përfshirë u plagosën si rezultat i zjarrit. Incidenti është nën shqyrtim," tha ajo në një deklaratë. (A2 Televizion)
A2 CNN Livestream
MUND TE LEXONI GJITHASHTU
