Rebelët Huthi kanë marrë kontrollin e ishullit Mayoun, i njohur edhe si Perim, në Ngushticën Bab el-Mandab, duke zgjeruar praninë e tyre në një nga korridoret më strategjike detare në rajon.
Sipas raportimeve të mediave të huaja, luftëtarët Huthi hynë në ishull pasi forcat qeveritare u tërhoqën nga zona. Me këtë zhvillim, grupi pretendon kontroll më të gjerë përgjatë bregdetit jemenas të Detit të Kuq.
Mayoun ndodhet në një pozicion strategjik në qendër të Bab el-Mandabit, ngushticë që lidh Detin e Kuq me Gjirin e Adenit dhe përmes së cilës kalon një pjesë e rëndësishme e trafikut detar mes Evropës dhe Azisë.
Huthët kanë deklaruar se synojnë të garantojnë kalimin e sigurt të anijeve përmes ngushticës. Megjithatë, marrja e kontrollit të ishullit ka rritur shqetësimet për sigurinë e transportit detar në këtë zonë.
Grupi Huthi kontrollon tashmë pjesën më të madhe të veriut të Jemenit, përfshirë kryeqytetin Sana’a dhe portin strategjik të Hodeidah. Ndërkohë, zhvillimet në Bab el-Mandab mbeten me rëndësi të veçantë për sigurinë dhe tregtinë ndërkombëtare. (A2 Televizion)
A2 CNN Livestream
MUND TE LEXONI GJITHASHTU
