Një tërmet i fuqishëm me magnitudë 8.8 ballë të shkallës Rihter goditi Gadishullin Kamchatka në lindje të largët të Rusisë rreth orës 11:25 të mëngjesit sipas orës lokale të mërkurën, duke shkaktuar paralajmërime për cunami dhe urdhra evakuimi në SHBA dhe Japoni.
Epiqendra e tërmetit ndodhej afërsisht 136 kilometra në lindje të Petropavlovskut në Gadishullin Kamchatka, në një thellësi prej 19 kilometrash.
Frika nga një cunami ka shkaktuar evakuime në të gjithë Rusinë, Japoninë dhe Hawaiin dhe disa pjesë të Bregut Perëndimor të SHBA-së.
Valë cunami deri në 3-4 metra janë raportuar në Kamchatka, ndërsa valë 30 cm kanë goditur një qytet në Hokkaido, në veri të Japonisë.
Guvernatori i Havait, Josh Green, u ka kërkuar njerëzve të ndjekin urdhrat e evakuimit dhe të qëndrojnë të qetë, ndërsa Presidenti i SHBA-së, Donald Trump, i këshilloi amerikanët të jenë në gatishmëri për paralajmërimet për cunami.
Disa persona janë plagosur në Kamchatka për shkak të tërmetit dhe priten lëkundje të forta pasuese, raporton agjencia e lajmeve TASS.
Alarme për cunami me nivele të ndryshme janë lëshuar gjithashtu në pjesë të Kinës, Filipineve, Indonezisë, Guamit, Perusë dhe Ishujve Galapagos pranë Ekuadorit. (A2 Televizion)
A2 CNN Livestream
MUND TE LEXONI GJITHASHTU
