Benjamin Netanyahu e ka zgjatur luftën në Gaza për të qëndruar në pushtet. Ky është rezultati që ka dalë nga një investigim i medias së njohur amerikane, Neë-York Times. Gjashtë muaj pas fillimit të luftës në Rripin e Gazës, Benjamin Netanyahu po përgatitej ta ndalte atë, thekson media amerikane. Negociatat ishin duke u zhvilluar për një armëpushim të zgjatur me Hamasin dhe ai ishte gati të binte dakord për një kompromis. Ai kishte dërguar një të dërguar për t'ua përcjellë qëndrimin e ri të Izraelit ndërmjetësve egjiptianë. Ishte prilli i vitit 2024, shumë kohë para se Netanyahu të niste rikthimin e tij politik.
Propozimi në tryezë do ta kishte ndaluar luftën në Gaza për të paktën gjashtë javë. Do të kishte krijuar një dritare për negociata me Hamasin mbi një armëpushim të përhershëm. Më shumë se 30 pengje të kapura nga Hamasi në fillim të luftës do të ishin liruar brenda disa javësh. Edhe më shumë do të ishin liruar nëse armëpushimi do të zgjatej. Dhe shkatërrimi i Gazës, ku afërsisht dy milionë njerëz po përpiqeshin të mbijetonin sulmeve të përditshme, do të kishte ndaluar, thekson media amerikane.
Përfundimi i luftës do të kishte rritur shanset për një marrëveshje paqeje historike me Arabinë Saudite, vendin më të fuqishëm të botës arabe. Për muaj të tërë, udhëheqja saudite kishte sinjalizuar fshehurazi gatishmërinë e saj për të përshpejtuar bisedimet e paqes me Izraelin - për sa kohë që lufta në Gaza do të ndalej. Normalizimi i marrëdhënieve midis qeverive saudite dhe izraelite, një arritje që i kishte shpëtuar çdo udhëheqësi izraelit që nga themelimi i shtetit në vitin 1948, do të kishte siguruar statusin e Izraelit në rajon, si dhe trashëgiminë afatgjatë të Netanyahut.
Por për Netanyahun, një armëpushim erdhi edhe me rrezik personal. Si kryeministër, ai udhëhoqi një koalicion të brishtë që varej nga mbështetja e ministrave të ekstremit të djathtë që donin të pushtonin Gazën , jo të tërhiqeshin prej saj. Ata kërkuan një luftë të gjatë që në fund të fundit do t'i mundësonte Izraelit të rivendoste vendbanimet hebraike në Gaza. Nëse një armëpushim do të vinte shumë shpejt, këta ministra mund të vendosnin të rrëzonin koalicionin qeverisës . Kjo do të shkaktonte zgjedhje të parakohshme që sondazhet treguan se Netanyahu do t'i humbiste. Duke qenë jashtë detyrës, Netanyahu ishte i prekshëm.
Që nga viti 2020, ai kishte dalë në gjyq për korrupsion; akuzat , të cilat ai i mohoi, lidheshin kryesisht me dhënien e favoreve biznesmenëve në këmbim të dhuratave dhe mbulimit të favorshëm mediatik. I privuar nga pushteti, Netanyahu do të humbiste aftësinë për të detyruar prokurorin e përgjithshëm që mbikëqyri ndjekjen penale të tij - siç në të vërtetë qeveria e tij do të përpiqej të bënte më vonë
Ishte ora 17:44, sipas procesverbalit të takimit. Në atë moment, kryeministri u detyrua të zgjidhte midis mundësisë së një armëpushimi dhe mbijetesës së tij politike - dhe Netanyahu zgjodhi mbijetesën. Nuk kishte plan armëpushimi, i premtoi ai Smotrich-ut. "Jo, jo, nuk ka gjë të tillë," tha ai. Dhe ndërsa diskutimi në kabinet vazhdoi, Netanyahu u përkul në heshtje drejt këshilltarëve të tij të sigurisë dhe pëshpëriti atë që duhet të ishte bërë e qartë për ta deri atëherë: "Mos e paraqisni planin." (A2 Televizion)
A2 CNN Livestream
MUND TE LEXONI GJITHASHTU
