Presidenti amerikan u përshkrua si një instrument i providencës hyjnore nga ish-këshilltari i tij, ndërsa hodhi poshtë akuzat se po sillet në mënyrë diktatoriale.
Ish-këshilltari, Steve Bannon, është i bindur se Donald Trump do të kërkojë një mandat të tretë në zgjedhjet presidenciale të vitit 2028, pavarësisht faktit se Kushtetuta e SHBA-së nuk e lejon këtë.
Duke folur për Economist, ai tha se ekziston një plan për të anashkaluar Kushtetutën që do të paraqitet "kur të vijë koha".
“Ai do të ketë një mandat të tretë, pra Trump në vitin 2028. Trump do të jetë president në vitin 2028 dhe bota duhet të mësohet me këtë”, tha Bannon.
Që nga fillimi i mandatit të tij të dytë, diskutimi për një mandat të tretë nuk është ndalur brenda lëvizjes MAGA, lëvizjes që ndjek presidentin.
Lidhur me Amendamentin e 22-të, i cili ndalon një mandat të tretë, Bannon tha se "ka shumë alternativa”. “Kur të vijë koha, ne do ta paraqesim planin", shtoi ai.
Kur u pyet nga gazetarët se si është e mundur që Trump të jetë përsëri kandidat, Bannon u përgjigj se "nëse populli amerikan e rizgjedh Trumpin, a do të ishte kjo një shkelje e Kushtetutës?".
Ish-këshilltari i Presidentit thotë se zgjedhjet do të minonin frymën e Amendamentit të 22-të.
“Trump nuk është diktator. Shikoni kompromiset që bëri në Projektligjin e Madh, ose si e trajtoi Zelenskyn. Trump është vazhdimisht duke negociuar. E vetmja mënyrë që Trump mund të fitojë dhe të qëndrojë në pushtet në vitin 2028 është me vullnetin e popullit amerikan. Dhe ky vullnet është thelbi i Kushtetutës. Ne duhet ta përfundojmë atë që filluam."
Bannon madje shkoi aq larg sa tha se Trump është "një instrument i providencës hyjnore dhe një instrument i vullnetit hyjnor".
“Ai është i papërsosur, nuk është fetar, por është një instrument i vullnetit hyjnor, siç tregohet nga mënyra se si e ka menaxhuar atë", sqaroi ai. (A2 Televizion)
A2 CNN Livestream
MUND TE LEXONI GJITHASHTU
