Izrael ka ndërmarrë sulme ndaj disa objekteve strategjike në Iran, përfshirë dy nga fabrikat më të mëdha të çelikut, një termocentral dhe objekte të lidhura me programin bërthamor civil.
Lajmi është konfirmuar nga mediat ndërkombëtare, ndërsa sipas raportimeve, sulmet dyshohet të jenë kryer në koordinim me Shtetet e Bashkuara.
Pas këtyre zhvillimeve, ministri i Jashtëm iranian, Abbas Araghchi, reagoi ashpër duke paralajmëruar pasoja për Izraelin.
Në një reagim në rrjetet sociale, ai deklaroi se sulmet përbëjnë shkelje të afatit 10-ditor të vendosur për negociata diplomatike dhe theksoi se Irani do të vendosë “një çmim të rëndë” për atë që e cilësoi si krime ndaj vendit të tij.
“Sulmet bien ndesh me afatin e zgjatur për diplomacinë. Irani do të vendosë një çmim të rëndë për krimet e Izraelit,” u shpreh ai.
Tensionet në rajon vijojnë të rriten, ndërsa këto zhvillime rrezikojnë të minojnë përpjekjet për negociata dhe të përshkallëzojnë më tej konfliktin. (A2 Televizion)
A2 CNN Livestream
MUND TE LEXONI GJITHASHTU
