“Izraeli shkoi shumë larg”, Meloni s'i kursen kritikat dhe kërkon armëpushim në Gaza

Kryeministrja italiane Giorgia Meloni ka kritikuar reagimin e Izraelit në Gaza, duke u shprehur se Tel Avivi shkoi shumë larg me ofensivat ushtarake.

Meloni nga Rimini dënoi gjithashtu vrasjen e gazetarëve, ndërsa u bëri thirrje vendeve arabe të ndërmarrin veprime kundër Hamasit dhe në të njëjtën kohë, Izraelit që të shtyjë drejt armëpushimit dhe të ndalë ndarjen e Bregut Perëndimor.

"Ne nuk hezituam për asnjë minutë të mbështesim të drejtën e Izraelit për siguri pas tmerrit të masakrës së 7 tetorit. Por në të njëjtën kohë, nuk mund të heshtim tani përballë një reagimi që ka shkuar përtej parimit të proporcionalitetit, duke pretenduar shumë viktima të pafajshme dhe madje duke përfshirë komunitete të krishtera, të cilat kanë qenë gjithmonë një faktor në ruajtjen e ekuilibrit në rajon."

Ajo vendosi theksin tek ndihmat që po jep Italia duke shpëtuar fëmijët në Gaza.

“Ne e rimarrim rolin e Italisë në këtë krizë. Ne jemi vendi kryesor jo-musliman për evakuimet mjekësore nga Gaza. Ka nga ata që shkruajnë mocionet dhe nga ata që shpëtojnë fëmijë. Jam krenar që jam midis këtyre të fundit”, nënvizoi Meloni. (A2 Televizion)