Izraeli ka shpenzuar dhjetëra miliona dollarë në përpjekje për të përmirësuar imazhin e tij në Shtetet e Bashkuara, ndërsa një pjesë e kësaj fushate synon edhe mënyrën se si platformat e inteligjencës artificiale, përfshirë ChatGPT, e paraqesin vendin dhe luftën në Gaza, raportoi Politico.
Sipas raportit, një fushatë prej rreth 100 mijë dollarësh është krijuar me synimin për të ndikuar në përmbajtjen që modelet e mëdha gjuhësore gjenerojnë kur pyeten për Gazën dhe konfliktin Izrael-Hamas.
Përpjekja lidhet me Institutin Hanover për Politika Publike, një faqe interneti që publikon raporte mbi antisemitizmin dhe çështje gjeopolitike. Projekti është zhvilluar përmes kompanisë franceze të marrëdhënieve me publikun Havas Media dhe agjencisë së saj nënkontraktuese, Piro Inc., në emër të Agjencisë së Reklamimit të Qeverisë së Izraelit, LaPam.
Fushata vjen në një kohë kur perceptimi i Izraelit në opinionin publik amerikan është përkeqësuar ndjeshëm. Sipas një sondazhi të Qendrës Kërkimore Pew në qershor, 60% e të rriturve amerikanë e shohin Izraelin disi ose shumë negativisht, krahasuar me 53% një vit më parë dhe 42% në vitin 2022.
Edhe kryeministri izraelit Benjamin Netanyahu përballet me nivele të larta mosbesimi: 65% e amerikanëve deklarojnë se kanë pak ose aspak besim te mënyra se si ai i trajton politikat e tij.
Sipas Politico, strategjia e re nuk kufizohet vetëm te media tradicionale apo rrjetet sociale. Ajo synon edhe hapësirën digjitale ku njerëzit marrin gjithnjë e më shumë informacion: motorët e kërkimit dhe sistemet e inteligjencës artificiale.
Kjo e bën ChatGPT dhe modele të tjera të inteligjencës artificiale një objektiv të rëndësishëm të përpjekjeve për të formësuar narrativën publike mbi Gazën dhe konfliktin Izrael-Hamas. (A2 Televizion)
A2 CNN Livestream
MUND TE LEXONI GJITHASHTU
