Autoritetet gjermane kanë ndaluar organizatën myslimane Interaktiv që të veprojë në vend, duke e akuzuar atë për veprime jokushtetuese sepse kërkon të krijojë një kalifat.
Autoritetet kontrolluan ambientet që u përkisnin dy organizatave të tjera islamike për arsye të ngjashme. Policia bastisi shtatë prona në Hamburg herët këtë mëngjes dhe 12 të tjera në Berlin dhe shtetin e Hessen si pjesë e hetimeve paraprake ndaj organizatave Generation Islam dhe Realitaet Islam, tha ministria federale e Brendshme në një deklaratë.
Sipas ndalimit, organizata myslimane Interaktiv, e cila u themelua në vitin 2020 dhe organizon protesta ndërsa është aktive në platforma të ndryshme të mediave sociale, do të ndalohet dhe asetet e saj do të sekuestrohen.
Organizata tërhoqi vëmendjen kombëtare në fillim të vitit 2024 pas një demonstrate në Hamburg me 1,000 pjesëmarrës që bënin thirrje për krijimin e një kalifati në Gjermani .
"Ne do t'i përgjigjemi me forcën e plotë të ligjit kujtdo që bën thirrje agresive për krijimin e një kalifati në rrugët tona, nxit urrejtje kundër shtetit të Izraelit dhe hebrenjve në një mënyrë të paimagjinueshme dhe shpërfill të drejtat e grave dhe pakicave", tha Ministri i Brendshëm Alexander Dobrid. (A2 Televizion)
A2 CNN Livestream
MUND TE LEXONI GJITHASHTU
