Nëse keni pasur plane për të shkuar në Kenia, atëherë nuk keni nevojë që të pajiseni me vizë. Ka qenë vetë presidenti William Ruto i cili njoftoi se nga 2024, qytetarët do të kenë mundësi për të aplikuar në një platformë digjitale që të marrin një autorizim elektronik për udhëtim, në vend të vizës.
"Nuk do të jetë më e nevojshme që asnjë person nga asnjë cep i globit të mbajë barrën e aplikimit për vizë për të ardhur në Kenia", tha ai në një fjalim në kryeqytetin Nairobi në një ngjarje për të shënuar 60-vjetorin e pavarësisë nga Britania.
Industria e turizmit luan një rol jetik në ekonominë e Kenias, duke ofruar pushime në plazh përgjatë vijës bregdetare të Oqeanit Indian dhe safari me kafshë të egra në brendësi.
"Kenia ka një mesazh të thjeshtë për njerëzimin: Mirë se vini në shtëpi!", tha ai. (A2 Televizion)
A2 CNN Livestream
MUND TE LEXONI GJITHASHTU
