Koreja e Veriut pranoi për herë të parë se ka dërguar trupa ushtarake për të luftuar për Rusinë kundër Ukrainës.
Në një raport për agjencinë shtetërore të lajmeve KCNA, ushtria e Phenianit pretendon se ushtarët e saj ndihmuan forcat ruse "të çlironin plotësisht" rajonin Kursk, sipas një urdhri të dhënë nga udhëheqësi Kim Jong Un.
Njoftimi i Phenianit vjen vetëm disa ditë pasi Shefi i Shtabit të Rusisë Valery Gerasimov vlerësoi "heroizmin" e trupave të Koresë së Veriut, hera e parë që Moska e pranon publikisht përfshirjen e tyre.
Zyrtarët perëndimorë kishin thënë më herët se besonin se të paktën 1,000 nga 11,000 trupat e dërguar nga Koreja e Veriut ishin vrarë gjatë tre muajve.
Duke iu përgjigjur deklaratës, SHBA tha se Koreja e Veriut tani duhet të mbajë përgjegjësinë për vazhdimin e luftës.
Inteligjenca e Koresë së Jugut dhe ajo perëndimore kanë raportuar prej kohësh se Pheniani dërgoi mijëra trupa në Kursk vitin e kaluar .
Vendimi për të vendosur trupa ishte në përputhje me një traktat të mbrojtjes reciproke midis Phenianit dhe Moskës. (A2 Televizion)
A2 CNN Livestream
MUND TE LEXONI GJITHASHTU
