Kremlini ka thënë se fjalimi i Presidentit francez, Emmanuel Macron, mbrëmjen e djeshme ishte "jashtëzakonisht konfrontues" dhe sipas tij, ishte një pretendim se Franca dëshiron që lufta të vazhdojë.
Sipas mediave të huaja, ndërsa liderët e BE-së mblidhen në Bruksel për bisedime urgjente për shpenzimet e mbrojtjes, Kremlini ‘goditi’ paralajmërimin e liderit francez për kërcënimin e paraqitur nga Rusia.
Zëdhënësi Dmitry Peskov tha se fjalimi i Macron vështirë se mund të perceptohej si një fjalim i një lideri që po mendonte për paqen, shkruan A2 CNN.
Peskov gjithashtu vuri në dukje se fjalimi i Macron nuk përmendi atë që Rusia pretendon si 'zgjerim i NATO-s' drejt kufijve të saj.
Pretendimet e 'luftës me prokurë'
Peskov po ashtu u pajtua me komentet e bëra nga sekretari amerikan i Shtetit Marco Rubio se konflikti i Ukrainës është një luftë ndërmjetëse midis SHBA dhe Rusisë.
“Ka qenë shumë e qartë që në fillim se Presidenti Donald Trump e sheh këtë si një konflikt të stërzgjatur dhe të bllokuar”, tha Rubio për Fox News të mërkurën.
“Dhe sinqerisht, është një luftë ndërmjetëse mes fuqive bërthamore, Shtetet e Bashkuara, duke ndihmuar Ukrainën dhe Rusisë – dhe duhet të marrë fund”, tha ai.
Kremlini ka besuar prej kohësh dhe ka pretenduar vazhdimisht se konflikti në Ukrainë ishte një luftë ndërmjetëse midis Rusisë dhe Perëndimit. (A2 Televizion)
A2 CNN Livestream
MUND TE LEXONI GJITHASHTU
