Kryetari i Gjykatës së Lartë të Iranit, Gholam-Hossein Mohseni-Ejei, deklaroi se Teherani nuk ka ndalur asnjëherë negociatat me Shtetet e Bashkuara, përcjell A2CNN.
“Nuk e dëshirojmë luftën, por nuk kemi frikë prej saj,” tha ai, sipas agjencisë së lajmeve IRIB. “Nëse dinjiteti ynë kërcënohet, ne do të luftojmë për të. Ky është qëndrimi i palëkundur i kombit tonë.”
Ai shtoi se Irani “gjithmonë i ka mirëpritur negociatat”, por theksoi se diplomacia duhet të bazohet në logjikë dhe racionalitet.
“Sigurisht që nuk pranojmë imponime. Një armik që nuk ka arritur asnjë nga qëllimet e tij përmes agresionit dhe kërcënimeve, nuk mund të imponojë kushte apo kërkesa në tryezën e negociatave.”
Kreu i drejtësisë deklaroi gjithashtu se Irani do të ndërmarrë hapa ligjorë kundër Uashingtonit.
“Ne do të ndjekim penalisht dhe do të ndëshkojmë kriminelët e luftës, si dhe do të kërkojmë dëmshpërblim prej tyre,” u shpreh ai. (A2 Televizion)
A2 CNN Livestream
MUND TE LEXONI GJITHASHTU
