Miliona njerëz në Kubë kanë mbetur pa energji elektrike pasi rrjeti kombëtar i energjisë pësoi kolaps të hënën.
Pjesa më e madhe e ishullit, përfshirë kryeqytetin Havana, u zhyt në errësirë, me rrugët që ndriçoheshin vetëm nga dritat e makinave dhe llambat me bateri.
Operatori i rrjetit energjetik të Kubës, tha të martën se po e rikthente gradualisht energjinë elektrike në provinca dhe qytete në të gjithë vendin, shkruan A2.
Ky është rasti më i fundit në një seri ndërprerjesh të gjera të energjisë që kanë goditur ishullin e Karaibeve, ku infrastruktura e vjetëruar e energjisë dhe mungesat kronike të karburantit janë përkeqësuar nga bllokada e SHBA-së ndaj dërgesave të naftës për shtetin e drejtuar nga komunistët.
Së bashku me mungesat e ushqimit dhe ilaçeve, situata ka shkaktuar pakënaqësi të rrallë publike në formën e protestave në rrugë, të cilat vazhduan me njerëz që godisnin tenxhere dhe tigane në qendër të Havanës të hënën.
Demonstratat e paautorizuara janë të paligjshme në Kubë dhe ata që e sfidojnë këtë ndalim rrezikojnë të burgosen. (A2 Televizion)
A2 CNN Livestream
MUND TE LEXONI GJITHASHTU
