Takimi ballë-përballë i Donald Trump me Volodymyr Zelenskyn në dy karrige të vendosura në qendër të Bazilikës së Shën Pjetrit me rastin e funeralit të Papa Françeskut ishte ngjarja diplomatike që shënoi ceremoninë e së shtunës në Vatikan.
Ambienti në Bazilikën e Shën Pjetrit ishte surreal. Të dy udhëheqësit ngritën karriget në kishën e shenjtë për të bërë një takim kokë më kokë, shkruan A2. Kamerat i fotografuan ata të rrethuar nga Presidenti francez Emmanuel Macron dhe kryeministri britanik Keir Starmer, teksa skena po përgatitej për takimin e tyre të improvizuar.
Megjithatë, në takim u përpoq të merrte pjesë edhe Presidenti francez Emmanuel Macron, por homologu i tij amerikan e ka nxjerrë “jashtë loje”.
Videoja ku Trump mesa duket i kërkonte Macronit të largohej u bë virale në rrjet dhe një ekspert i leximit të buzëve i rekrutuar nga Daily Mail "lexoi" buzët e Presidentit të SHBA kur kreu i Elysse iu afrua çiftit Trump-Zelenskyy.
Sipas Nicola Hisling, Trump i tha Macronit që të largohej: “Nuk ke të drejtë të jesh këtu, kam nevojë që të më bësh një nder, nuk duhet të jesh këtu”.
Zelensky tund kokën në shenjë dakordësie dhe famullitari, i cili është para kamerës, kthen kokën anash, duke parë i shqetësuar për atë që ka dëgjuar mes tyre.
Eksperti arriti të “deshifrojë” edhe atë që kapën kamerat nga takimi Trump-Zelensky. Sipas analizës së tij, Zelensky i tha Trumpit: "Unë do të doja që ju ta bëni këtë, por jo në këtë mënyrë", ndërsa Presidenti amerikan ju përgjigj: "Është një strategji interesante, ju keni sigurinë time".
Kujtojmë se Shtëpia e Bardhë e përshkroi takimin mes liderit amerikan dhe atij ukrainas si "shumë produktiv", ku Zelensky foli për një bisedë që mund të bëhet "historike". (A2 Televizion)
A2 CNN Livestream
MUND TE LEXONI GJITHASHTU
