Lideri i rebelëve Houthi: Nuk ka dyshim që do të ketë raunde të tjera përleshjesh

Rebelët Houthi të mbështetur nga Irani kanë paralajmëruar për një përshkallëzim të mundshëm të situatës në rajon, edhe nëse armëpushimi mes Shtetet e Bashkuara të Amerikës dhe Iranit do të vazhdojë.

Lideri i grupit rebel Houthi në Jemen, Abdul Malik al-Houthi, deklaroi në një fjalim televiziv se “nuk ka dyshim që do të ketë raunde të tjera përleshjesh”, duke e cilësuar situatën si një armëpushim të përkohshëm brenda një konflikti të vazhdueshëm.

Ai paralajmëroi se mundësia e përshkallëzimit është “mjaft e lartë”, pasi armëpushimi aktual, që ai e cilësoi si “të brishtë”, po i afrohet fundit.

Një sulm me raketa nga rebelët Houthi ndaj Izraelit muajin e kaluar ka rritur shqetësimet se grupi i mbështetur nga Irani mund të përpiqet sërish të bllokojë rrugët detare në Detin e Kuq, ashtu siç ndodhi gjatë luftës në Gaza. (A2 Televizion)