Zëvendëspresidenti i SHBA-së, JD Vance, ka zhvilluar kontakte me ndërmjetës nga Pakistani lidhur me konfliktin me Iranin, duke treguar një rol në rritje në përpjekjet për arritjen e një marrëveshjeje.
Sipas burimeve për Reuters, komunikimet kanë vijuar deri të martën, ndërsa Pakistani po vepron si ndërmjetës mes SHBA-së dhe Iranit.
Në emër të presidentit Donald Trump, Vance ka sinjalizuar se Uashingtoni është i hapur për një armëpushim, por vetëm nëse plotësohen disa kushte të vendosura nga SHBA.
Gjithashtu, Reuters shkruan se Vance ka përcjellë edhe një mesazh të ashpër ndaj Teheranit, duke paralajmëruar se presioni ndaj infrastrukturës iraniane do të rritet nëse nuk arrihet një marrëveshje.
Konflikti, që tashmë ka hyrë në javën e pestë, po shoqërohet me përpjekje intensive diplomatike. Në negociata janë përfshirë edhe Sekretari i Shtetit Marco Rubio, si dhe të dërguarit amerikanë Steve Witkoff dhe Jared Kushner.
Ndërkohë, Trump ka paralajmëruar sulme ndaj infrastrukturës iraniane, por ka shtyrë një vendim të tillë deri më 6 prill, duke lënë hapësirë për një zgjidhje diplomatike. (A2 Televizion)
A2 CNN Livestream
MUND TE LEXONI GJITHASHTU
