Dy persona dyshohet se kanë vdekur në Mannheim të Gjermanisë, pasi një makinë përplasi një turmë në rrugën Planken, në lagjen tregtare të qytetit.
Lajmi është bërë i ditur nga mediat gjermane sipas të cilave, 25 persona janë lënduar, ndërsa shoferi i automjeti është ndaluar nga policia, përcjell A2 CNN.
Po sipas mediave gjermane, ende nuk dihet nëse bëhet fjalë për një aksident apo veprim të qëllimshëm.
Sipas dëshmitarëve okularë të cituar nga Mannheim24, makina u përplas me turmën me shpejtësi të madhe pranë Kullës së Ujit, një pikë referimi në qytet, raporton A2 CNN.
Mannheim ndodhet në shtetin gjerman të Baden-Wuerttemberg. Policia thotë se një operacion i zbatimit të ligjit është duke u zhvilluar në qendër të qytetit. “Qytetarët këshillohen të shmangin qendrën e qytetit”, shkruan policia në X.
Spitali Universitar Mannheim ka alarmuar njësinë e kujdesit intensiv dhe po përgatitet për një situatë emergjente. Sipas shtypit gjerman, kjo është një masë standarde në këto raste. (A2 Televizion)
A2 CNN Livestream
MUND TE LEXONI GJITHASHTU
