Një ngjarje tragjike ka tronditur qytetin Bratsk në rajonin e Irkutskut, në Siberinë lindore, ku pesë adoleshentë humbën jetën dhe katër të tjerë mbetën të plagosur pas një sulmi të dhunshëm në një shkollë lokale.
Sipas autoriteteve ruse, autori i dyshuar është një 19-vjeçar, ish-nxënës i shkollës, i cili hyri në ndërtesë i armatosur me një armë të ftohtë dhe nisi të godasë nxënësit në mënyrë të papritur. Më pas, ai dyshohet se vrau veten.
Pesë të rinj, të gjithë të moshës 14 deri në 16 vjeç, u shpallën të vdekur në vendngjarje ose pak pas mbërritjes në spital. Katër të tjerë ndodhen në gjendje të rëndë në repartin e kujdesit intensiv. Autoritetet kanë nisur hetimet për vrasje masive dhe po shqyrtojnë motivet e mundshme të autorit.
Zyrtarët lokalë dhe kombëtarë kanë shprehur ngushëllimet për familjet e viktimave, ndërsa Ministria e Arsimit e Rusisë ka urdhëruar rritjen e masave të sigurisë në të gjitha institucionet arsimore të vendit. (A2 Televizion)
A2 CNN Livestream
MUND TE LEXONI GJITHASHTU
