Ushtria izraelite ka vrarë të paktën 67 persona që prisnin kamionë me ndihma të OKB-së në veri të Gazës, tha Ministria e Shëndetësisë e territorit, e drejtuar nga Hamasi.
Sipas mediave të huaja, Programi Botëror i Ushqimit i OKB-së tha se karvani i tij prej 25 kamionësh "hasi në turma masive civilësh të uritur, të cilët u qëlluan me armë zjarri", menjëherë pasi kaloi nga Izraeli në pikat e kontrollit.
Forcat e Mbrojtjes së Izraelit (IDF) thanë se kishin “qëlluar me të shtëna paralajmëruese” për të larguar “një kërcënim të menjëhershëm”. Ato kundërshtuan numrin e vdekjeve të raportuara, shkruan A2 CNN.
Të shtunën, ministria paralajmëroi se uria ekstreme po rritej në Gaza dhe një numër gjithnjë e në rritje njerëzish po mbërrinin në mjediset e spitaleve "në një gjendje rraskapitjeje dhe lodhjeje ekstreme".
"Ne paralajmërojmë se qindra njerëz, trupat e të cilëve janë tretur, janë në rrezik vdekjeje të menjëhershme për shkak të urisë", tha Ministria e Shëndetësisë. OKB-ja ka thënë gjithashtu se civilët në Gaza po vdesin urie dhe ka bërë thirrje për një fluks urgjent të mallrave thelbësore.
Të dielën, ministria tha se kishte regjistruar 18 vdekje “për shkak të urisë” gjatë 24 orëve të fundit, shkruan A2 CNN. (A2 Televizion)
A2 CNN Livestream
MUND TE LEXONI GJITHASHTU
