Rusia thotë se trupat e saj po vazhdojnë të fitojnë territore përgjatë vijës së frontit në Ukrainë.
Ministria ruse e Mbrojtjes citohet nga agjencia shtetërore e lajmeve RIA të ketë raportuar se trupat ruse tani kanë marrë kontrollin e vendbanimit Kamianka në rajonin verilindor të Kharkiv të Ukrainës.
Sky News nuk mundi të verifikonte në mënyrë të pavarur raportin. Ky raportim vjen një ditë pasi agjencitë ruse të lajmeve raportuan se Vladimir Putin u kishte telefonuar komandantëve ushtarakë në rajonin e tij jugor të Kurskut për t'i uruar ata për dëbimin e forcave ukrainase atje, shkruan A2 CNN.
Por Kievi mohoi pretendimet, duke këmbëngulur se forcat e tij nuk ishin dëbuar plotësisht nga Kursk, duke shtuar se ato po operonin gjithashtu në Belgorod, një rajon tjetër rus në kufi me Ukrainën, shkruan A2 CNN.
Ndërsa Kievi pranoi se situata është "e vështirë", tha se forcat po mbanin pozicionet e tyre në Kursk.
"Situata operacionale është e vështirë, por njësitë tona vazhdojnë të mbajnë pozicionet e përcaktuara dhe të kryejnë detyrat e caktuara, duke i shkaktuar armikut dëme efektive nga zjarri me të gjitha llojet e armëve", tha Shtabi i Përgjithshëm i Ukrainës. (A2 Televizion)
A2 CNN Livestream
MUND TE LEXONI GJITHASHTU
