Ukraina i ka vënë “zjarrin” Rusisë. Bëhet fjalë për një sulm të madh me dron në portin rus të Tuapse në Detin e Zi. Përveç flakëve në përmasa të mëdha, shënjestrimi, vrau të paktën një person, thanë zyrtarët rusë. Ky zhvillim vjen vetëm disa orë pasi një vatër zjarri u shua pas një sulmi të ngjashëm më 16 prill.
Një video e postuar në mediat sociale tregon zjarr dhe tym në rafinerinë e naftës pranë portit të Tuapse, shkruan A2 CNN. Edhe trupat e Moskës nuk kanë qëndruar duarkryq. Mediat raportojnë për një valë sulmesh nga Rusia në drejtim të disa rajoneve. Sergei Beskrestnov, një këshilltar i Ministrit të Mbrojtjes të Ukrainës, pretendoi se rusët u përpoqën ta vrisnin atë me një dron.
Siç raporton Ukrinform, njoftimi u bë në Facebook. “Mbrëmë, rusët u përpoqën të më vrisnin. Një raketë e drejtuar Shahed u përplas në murin e shtëpisë sime. Nuk kam më shtëpi. U plagosa, por gjëja më e rëndësishme është se jam gjallë mrekullisht”, njoftoi zyrtari. 4 të plagosur raportohen në Zaporizhia. Ministria e mbrojtjes e Rusisë tha se 112 dronë ukrainas u shkatërruan gjatë natës. Shërbimi Federal i Sigurisë i Rusisë njoftoi se kishte ndaluar një grua 57-vjeçare gjermane me një bombë në çantën e shpinës, si pjesë e asaj që e quajti një operacion kamuflazhi drejtuar nga inteligjenca ukrainase.
Pamjet e paverifikuara tregonin një grua të shtrirë në asfalt në një parking makinash, ndërsa burra të armatosur i drejtonin armët dhe një çantë shpine pranë saj. Shërbimi sekret rus tha se gruaja gjermane, e cila kishte një bombë me ekuivalentin e 1.5 kg TNT, po synonte një strukturë të zbatimit të ligjit në rajonin e Stavropolit. (A2 Televizion)
A2 CNN Livestream
MUND TE LEXONI GJITHASHTU
