Çmimi i naftës Brent është rritur me mbi 3%, duke arritur në 107.82 dollarë për fuçi, ndërsa WTI ka kaluar 103 dollarë.
Rritja vjen pavarësisht deklaratave amerikane se trafiku në Ngushticën e Hormuzit po përmirësohet. Sekretari amerikan i Energjisë, Chris Wright, tha se rreth 10 milionë fuçi naftë në ditë kanë kaluar përmes ngushticës gjatë javës së fundit.
Megjithatë, trafiku mbetet shumë më i ulët se normalja, ndërsa sulmet ndaj anijeve dhe infrastrukturës energjetike në rajon kanë shtuar frikën për furnizimin global.
Irani pretendon se kontrollon aksesin në Hormuz, ndërsa kostot e sigurimit për anijet në zonën e konfliktit janë rritur ndjeshëm. Ekspertët paralajmërojnë se nëse trafiku mbetet i kufizuar, çmimet e naftës mund të vijojnë të rriten. (A2 Televizion)
A2 CNN Livestream
MUND TE LEXONI GJITHASHTU
