Kryeministri portugez António Costa ka dhënë dorëheqjen pasi një grup hetuesish kontrolluan rezidencën e tij zyrtare, në bazë të një hetimi për korrupsion.
Edhe pse nuk ka asnjë akuzë të ngritur ndaj tij, Costa u shpreh se nuk mund të qëndronte më në detyrë pas këtij hetimi, që kishte vënë në pranga shefin e tij të shtabit, Vitor Escária.
Prokurorët prej disa muajsh kanë nisur një hetim për koncesionet e dhëna për minierat e litiumit dhe prodhimin e hidrogjenit. Deri tani janë lëshuar 5 fletë-arresti, teksa mes të paditurve për marrëveshjet e energjisë është dhe ministri i Infrastrukturës, Joao Galamba.
“Nuk ka asnjë akt të paligjshëm që rëndon mbi ndërgjegjen time, apo edhe ndonjë akt të censurueshëm”, tha kryeministri teksa u shpreh i gatshëm të ndihmonte autoritetet në zbardhjen e këtyre akuzave të rënda për kabinetin e tij.
Presidenti Marcelo Rebelo de Sousa tha se kishte pranuar dorëheqjen e kryeministrit dhe thirri partitë politike për konsultime. (A2 Televizion)
A2 CNN Livestream
MUND TE LEXONI GJITHASHTU
