Presidenti Donald Trump tha se po bëhet “përparim i konsiderueshëm” në përpjekjet e tij për t’i dhënë fund luftës në Ukrainë, ndërsa filloi takimin e tij me Presidentin ukrainas Volodymyr Zelensky.
“Kemi pasur shumë diskutime dhe shumë bisedime të mira, dhe mendoj se po bëhet përparim, përparim shumë i konsiderueshëm në shumë mënyra”, tha Trump në Zyrën Ovale, i ulur pranë Zelensky-t.
"Patëm një takim të mirë, siç e dini, vetëm pak kohë më parë, me presidentin e Rusisë. Dhe mendoj se ka mundësi që diçka të dalë prej tij."
Zelensky pyetet nëse do të merrte në konsideratë lëshimin e territorit. Udhëheqësi ukrainas thotë se "ne duhet ta ndalojmë luftën, të ndalojmë Rusinë".
Zelensky thotë se ukrainasit janë të fortë dhe se mbështesin planet e Trump për t'i dhënë fund luftës në një "mënyrë diplomatike".
Ai thotë se dëshiron të zhvillojë një takim trepalësh.
I ulur pranë Donald Trump në Zyrën Ovale, Presidenti ukrainas Volodymyr Zelensky e falënderoi presidentin amerikan për "përpjekjet e tij personale" për të ndaluar luftën e Rusisë në Ukrainë.
Presidenti ukrainas Volodymyr Zelensky i dorëzoi Presidentit të SHBA-së Donald Trump një letër nga Zonja e Parë e Ukrainës drejtuar Melania Trump.
“Gruaja ime, zonja e parë e Ukrainës, ajo më dha një letër. Nuk është për ty, por për gruan tënde”, tha ai, duke shkaktuar të qeshura në sallë. (A2 Televizion)
A2 CNN Livestream
MUND TE LEXONI GJITHASHTU
