Autoritetet turke arrestuan të enjten gazetarin Alican Uludag. Ai akuzohet për postime fyese në rrjetet sociale ndaj Presidentit Erdogan.
Ai u arrestua në banesën e tij në kryeqytetin turk, Ankara. Uludag ka mohuar akuzat, duke pretenduar që kritikat e tij kanë qenë konstruktive dhe duke qenë në cilësinë e reporterit gjyqësor, ai ka tagrin për të qenë kritik ndaj qeverisë së Erdogan.
Ai është transferuar në Stamboll ditën e sotme, shkruan A2.
Fyerja ndaj presidentit konsiderohet një krim i rëndë dhe gazetari mund të dënohet deri në 4 vite nga gjykata.
Drejtoresha e përgjithshme e Deutsche Welle, Barbara Massing, kërkoi lirimin e tij, duke e cilësuar arrestimin si “një akt të qëllimshëm frikësimi.”
Grupi Reporters Without Borders e konsideron Turqinë si një nga vendet më represive për gazetarët, duke theksuar se shumica e mediave janë nën kontrollin e qeverisë.
Sipas Turkish Journalists Syndicate, të paktën 14 gazetarë ose punonjës të medias ndodhen aktualisht në burg. (A2 Televizion)
A2 CNN Livestream
MUND TE LEXONI GJITHASHTU
