
Dy nga aktet normative të miratuara nga qeveria në të ashtuquajturën “paketa antidhunë” morën dritën jeshile në Komisionin për Çështjet e Brendshme.
Ndryshimet në ligjin për tubimet, sipas zëvendësministrit Xhemal Qefalia, nuk po bëhen për të kufizuar të drejtën e protestës.
Efektivët e policisë duket se janë të kënaqur me miratimin e ligjit, duke folur edhe për efektet konkrete gjatë protestave.
Mazhoranca dhe opozita kishin qëndrime të kundërta edhe për aktin normativ që parashikon dëmshpërblimin e bizneseve për dëmet e shkaktuara gjatë protestave.
Pavarësisht se protestat e dhunshme tashmë duken të largëta, qeveria ende nuk ka një faturë të saktë financiare për dëmet, por bëri të ditur vlerën e pretendimeve të bizneseve.
Dy aktet normative u diskutuan edhe në Komisionin për të Drejtat e Njeriut, ku opozita akuzoi se përmes këtyre ligjeve po instalohet një shtet policor. (A2 Televizion)