Rusia dhe Ukraina presin paqen nga Amerika. Kremlini thekson se kërkon me padurim një raund të ri bisedimesh trepalëshe të ndërmjetësuara nga SHBA-të për t'i dhënë fund luftës me Kievin, një proces i bllokuar së fundmi për shkak të luftës me Iranin.
Dmitry Peskov, zëdhënës i Kremlinit, u shpreh: “Në përgjithësi, këto nuk janë procese të lidhura drejtpërdrejt. Ato lidhen vetëm në mënyrë indirekte nga fakti që negociatorët amerikanë aktualisht janë të përqendruar në çështjet iraniane. Shpresojmë që në të ardhmen e parashikueshme ata do të kenë më shumë kohë dhe kapacitet më të madh për t'u takuar në formatin trepalësh. Ne mezi presim për këtë dhe vazhdojmë t'i vlerësojmë shumë përpjekjet paqeruajtëse të negociatorëve amerikanë dhe të Presidentit Trump personalisht në rrugën e Ukrainës”.
Ukraina tani po i kërkon Shteteve të Bashkuara, pas armëpushimit me Iranin, që ta përqendrojnë vëmendjen e tyre te lufta në Ukrainë.
“Vendosmëria amerikane po funksionon. Ne besojmë se ka ardhur koha për vendosmëri të mjaftueshme për ta detyruar Moskën të bëjë armëpushim dhe t'i japë fund luftës kundër Ukrainës”, shkroi Ministri i Jashtëm ukrainas Andrii Sybiha në X.
Lufta, ndërkohë, vazhdon me një intensitet të lartë. Të paktën 13 persona janë vrarë dhe 77 të tjerë janë plagosur në sulmet ruse kundër Ukrainës gjatë 24 orëve të fundit, sipas autoriteteve lokale të cituara nga mediat.
Rusia lëshoi 176 dronë kundër Ukrainës gjatë natës, tha Forca Ajrore, duke shtuar se mbrojtja ukrainase kapi 146 prej tyre. Të paktën 24 dronë arritën të shmangnin mbrojtjet dhe goditën 12 vende. (A2 Televizion)
A2 CNN Livestream
MUND TE LEXONI GJITHASHTU
