Prapaskenat e marrëveshjes dyjavore të armëpushimit mes SHBA-së dhe Iranit tregojnë për një proces të mbushur me tension, presion dhe negociata të ethshme, ku vendimtare rezultoi ndërhyrja e udhëheqjes iraniane.
Sipas një raporti të medias amerikane Axios, udhëheqësi i ri i Teheranit, Mojtaba Khamenei, dha sinjalin vendimtar duke udhëzuar negociatorët të lëviznin drejt një marrëveshjeje, për herë të parë që nga nisja e konfliktit. Burimet theksojnë se pa “dritën jeshile” të tij, marrëveshja nuk do të ishte arritur.
Axios raporton se Mojtaba Khamenei, lideri i ri i Iranit, ka mbikëqyrur të gjitha fazat e marrëveshjes së armëpushimit me Shtetet e Bashkuara.
Sipas raportit, ministri i Jashtëm iranian Seyed Abbas Araghchi ka luajtur një rol të rëndësishëm në menaxhimin e negociatave dhe në bindjen e komandantëve të Gardës Revolucionare.
Artikulli thekson se presidenti amerikan Donald Trump ka qenë i pavendosur deri në minutat e fundit nëse do të pranonte propozimin me 10 pika të Iranit apo do të vijonte luftën, ndërkohë që publikisht kishte kërcënuar me shkatërrimin e Iranit.
Pas skenave, ndërkohë zhvilloheshin përpjekje intensive për arritjen e armëpushimit, ndërsa komandantët amerikanë në Lindjen e Mesme po përgatiteshin për goditje ndaj infrastrukturës iraniane.
Sipas Axios, i dërguari special i Trump, Steve Witkoff, e ka cilësuar propozimin iranian si një “katastrofë”, duke shprehur pakënaqësi gjatë komunikimeve telefonike.
Raporti nënvizon se ndërhyrja e Mojtaba Khameneit ka qenë sekrete dhe e ndërlikuar, për shkak edhe të kërcënimeve për atentat ndaj tij nga Izraeli. Vendimet kryesore janë marrë përmes komunikimeve indirekte dhe asnjë marrëveshje nuk do të arrihej pa miratimin e tij.
Pavarësisht kundërshtimeve nga disa këshilltarë dhe komandantë, Donald Trump pranoi armëpushimin dhe njoftoi ndërmjetësit, përfshirë kryeministrin e Pakistanit Shehbaz Sharif dhe shefin e ushtrisë Asim Munir.
Axios raporton se Mojtaba Khamenei ka drejtuar në mënyrë vendimtare negociatat për armëpushimin me SHBA, duke dhënë miratimin final për marrëveshjen.
Ministri i Jashtëm Seyed Abbas Araghchi ka ndihmuar në bindjen e strukturave ushtarake, ndërsa Donald Trump ka hezituar deri në fund përpara se ta pranonte armëpushimin, mes presioneve dhe përgatitjeve për përshkallëzim ushtarak. (A2 Televizion)
A2 CNN Livestream
MUND TE LEXONI GJITHASHTU
