Pakistani pritet të luajë një rol të rëndësishëm në uljen e tensioneve mes Iranit dhe Izraelit. Këtë fakt e ka bërë të ditur Presidenti i SHBA-së, Donald Trump, i cili ka thënë se Pakistani “e njeh Iranin më mirë se ne”, ndërsa konfirmoi diskutimin e tensioneve Iran-Izrael gjatë takimit të tij me Shefin e Ushtrisë së Pakistanit, Marshallin Syed Asim Munir, në Shtëpinë e Bardhë.
Duke folur me gazetarët pas ndërveprimit të nivelit të lartë, Trump theksoi rëndësinë strategjike të Pakistanit në rajon, veçanërisht në lidhje me Teheranin. "Ne folëm për çështjen Iran-Izrael. Pakistani e kupton Iranin më mirë se ne - ata janë një lojtar kyç në paqen rajonale", deklaroi ai.
Takimi i rrallë kokë më kokë, i mbajtur në Sallën e Kabinetit, u pasua nga një drekë e shtruar nga Trump në nder të Shefit të Ushtrisë së Pakistanit, shkruan A2 CNN. Një zëdhënës i Shtëpisë së Bardhë konfirmoi se dreka ishte organizuar për të vlerësuar rolin e Pakistanit në stabilitetin rajonal dhe për të njohur përpjekjet e Gjeneral Munir në uljen e tensioneve midis fqinjëve të armatosur me armë bërthamore, Pakistanit dhe Indisë.
Sipas burimeve diplomatike të mediave ndërkombëtare, Gjenerali Munir është planifikuar gjithashtu të takohet me Sekretarin e Shtetit të SHBA-së, Marco Rubio, dhe Sekretarin e Mbrojtjes, Pat Hegseth, në ditët në vijim. Këto angazhime po shihen në Islamabad si një sukses i rëndësishëm diplomatik, veçanërisht pasi ato sinjalizojnë një ringjallje në dialogun strategjik SHBA-Pakistan pas një periudhe qetësie relative.
I pyetur për rezultatet e mundshme diplomatike të takimit, Trump tha: “Gjenerali Asim ka luajtur një rol të fortë në uljen e tensioneve pakistaneze-indiane. Ne e vlerësojmë lidershipin e tij”. Për zyrtarët pakistanez konflikti i fundit me Indinë ka treguar se Uashingtoni po e rivlerëson rolin rajonal të Islamabadit. (A2 Televizion)
A2 CNN Livestream
MUND TE LEXONI GJITHASHTU
