Dy të dërguarit amerikanë për paqen shpresojnë për “takime po aq produktive” në Ukrainë, pasi zhvilluan bisedime me Presidentin rus Vladimir Putin në Moskë për përfundimin e luftës, thanë zyrtarë amerikanë.
Steve Witkoff dhe Jared Kushner mbërritën në Kiev të dielën, pasi të shtunën zhvilluan bisedime me Putinin. Sipas Shtëpisë së Bardhë, ata “diskutuan plane konkrete për hapat e ardhshëm” me presidentin rus.
Nuk është ende e qartë se cilat janë konkretisht këto plane, por pritet një njoftim në javët e ardhshme, ndërsa përpjekjet për t’i dhënë fund luftës në Ukrainë po intensifikohen.
Kjo është vizita e parë në kryeqytetin ukrainas e dy negociatorëve kryesorë të Presidentit amerikan Donald Trump. Putin dhe presidenti ukrainas Volodymyr Zelensky kanë rënë dakord të ndalojnë sulmet ndaj kryeqyteteve të njëri-tjetrit për tre ditë.
Ndërsa Witkoff dhe Kushner po zhvillonin negociatat në Kremlin, Zelensky tha se ai dhe ekipi i tij ishin “gati për bisedën” dhe se ishin “të interesuar për ta afruar përfundimin e luftës”.
Në një postim në rrjetet sociale, ai tha se nevojiteshin paqja dhe garancitë e sigurisë, duke theksuar se ishte “e rëndësishme të punohet në mënyrë të koordinuar, konkrete dhe realiste”.
Gjatë natës, forcat ruse dhe ukrainase vijuan shkëmbimin e sulmeve. Ukraina konfirmoi se kishte goditur një rafineri nafte, një aeroport ushtarak dhe dy sisteme të mbrojtjes ajrore. (A2 Televizion)
A2 CNN Livestream
MUND TE LEXONI GJITHASHTU
