Gati 4000 njerëzve u është dashur të braktisin shtëpitë e tyre në disa qytete në Argjentinë dhe Uruguai, për shkak të përmbytjeve nga moti i keq, ditët e fundit.
Sipas buletinit meteorologjik nga Sistemi Kombëtar i Emergjencave Uruguaian, në të gjithë vendin, 3352 banorë, në të paktën 9 departamente, janë larguar nga shtëpitë e tyre.
Rajoni më i prekur është ai i Paysandu, në kufi me Argjentinën, ku janë zhvendosur 1569 persona.
Ndërkohë në Argjentinë, dalja nga shtrati e lumit Uruguai shkaktoi evakuimin e të paktën 568 personave në qytetin e Concordia, ku bashkia u kërkoi banorëve të shmangnin zonat e goditura nga përmbytjet për arsye sigurie.
Moti i keq prej javësh ka goditur dhe Brazilin, ku përmbytjet në jug të vendit kanë shkaktuar mbi 150 viktima, dhjetëra të zhdukur dhe dëme të mëdha materiale.
(A2 Televizion)
A2 CNN Livestream
MUND TE LEXONI GJITHASHTU
